بۆچی ڕێزی شوێنەواریکی مێژویی مارکس دەگرین؟

گڵکۆی مارکس بوەتە شوێنەوارێکی مێژوویی و ساڵانە هەزاران کەس بۆ ڕیزلەیادی مارکس و کارەکانی ئەو ئینسانە دەچنە ئەو شوینە. پارێزگاری لە شوێنەوارێکی مێژوویی بەتایبەت کە یادەوەری خەباتی ئینسان بۆ ئازادی و یەکسانی نیشان بدا کارێکی ئینسانی و بەڕیزە . تێکدانی شوێنەوارە مێژوویەکان کارێکی دژی شارستانیەتە و مێژووی مرۆڤ بە”باش و خراپیەوە” دەبێ تێک نەدرێ و لە مۆزەخانەکاندا هەڵگیرێ وەک بەشێک لە بیرەوەری مێژووی ئینسان. ئەم کارەی ئێمە بۆ گوڵبارانکردنی گڵکۆی مارکس دژی ئەو کارە تێکدەرانەبوە کە کەسانێک پێی هەڵساون و ناوی مارکسیان لەسەر گڵکۆکەی بە چەکوش ڕوشاندوە.